M'n homme i bertonne
Depus l'premier jour qu'avec m'n homme ej'sus mariée
Je n'd'ai djà passé je peux vous l' dire et l'certifier
Pou parler à m'vigeine m'n homme est toudi là qui greine
J'sus sur des épeines, in peut rin dire que cha li gène
Tchand que j'li demande pour acater eun sequo d'nouveau
So pour un habit ou pour ernouveler min capeau
I répond "non vielle rosse" et i s'in va faire la noce
Et pindant huit jours i rintre roste!
Et patati et patata! Et toudi sin babeigno i va!
refrain
M'n homme i bertonne le jour la nuit, m'n homme i bertonne toudi
I a un caractère tout muji et droledemin plachi
Je n'sais pos che qu'i a din l'vinte, i n'vaut pos l'corde pour li s'pinte
I crie par chi, i crie par là et mi je n'sais pu vive comme cha
M'n homme i bertonne le jour la nuit, m'n homme i bertonne toudi
Ch'est un graignard, un bertonnard
Et moi j vous l'dis m'n homme i bertonne, m'n homme i bertonne bertonne toudi
(Chanté par la mère d'Arnaud Dedryvère dans les années 1910-1974)
________________________________________________________________
Cueillez cueillez votre jeunesse
Pourquo qu'te caches pos à t'marier / Dijot eune femme de min quartier
A s' fill Adèle
Pus tard tin jeu n'sra pus si beau / te djoquera là comme un poteau
Tchand qu'te sra vièle
T'as des beaux ys rimplis d'éclat / qui font courir tous les soldats
De l'citadelle
I t'appelleront "poupoule bijoux"/ et i t'diront "vi marabout"
Tchand qu'te sra vièle
T'as eunejolie bouque à bécots / eune garniture de dominos
Elle t'est fidèle
Mais te verras de rudes changemints / In t'appelera "vièle bouque sans dints
Tchand qu'te sra vièle
T'as des beaux q'veux d'beaux cils aussi/ de c'coté là tout est garni
Comme eune capelle
Ce sra comme un balai usé/ Un vi pleumeau tout dépleumé
Tchand qu'te sra vièle
Te sais tchanter in ut in sol / te roucoules comme un rossignol
L'solo d'Mirèlle
Te tchanteras comme un perrotchet / et t'attraperas souvint l'rotchet
Tchand qu'te sra vièle
Te sints l'jeunesse te sints les fleurs /te t'portes bin t'as des couleurs
T'es eune mervelle
T'aras toudi l'air d'un patchet / et te sintiras l'cabinet
Tchand qu'te sras vièle